فجيعة الإسلام في كل الأقطار

عبد الله بن حمد بن سليمان الغيامة
يوم الخميس الصبح يا شين الأخبار *** خبر وفاة الشيخ والله مصيبة
فجيعة الإسلام في كل الأقطار *** علم توارى حط فوقه نصيبه
فقيدة السنة وحلقات الأذكار *** تنعاه مكة ثم نجد وطيبه
وكل الجزيرة شيوخها اصغار واكبار *** يبكون مثل اللي غدا له ذهيبه
فيه الورع فيه التقى شيخنا البار *** علم وفتوى وكل سائل يجيبه
ثمانين عام كلها ليل ونهار *** علم وتعليم عسى الله يثيبه
الداعية اللي يصلي بالأسحار *** هذا طبيب العلم والله طبيبه
الحنبلي هو شيخ الإسلام تكرار *** الله عطاه العلم وحلم وهيبة
يدافع عنا التوحيد عن قول وأفكار *** خوف على الإسلام شيء يعيبه
الحكم شرع ضد عميين الأبصار *** الشيخ يامر والحكومة تجيبه
دولة سعودية لها سالف أدوار *** متمسكة بالدين والله رهيبة
وصارت عزيزة وعزها الله بالأخيار *** تكرم رجال العلم دولة عريبه
واليوم مات الشيخ الوالد البار *** غيبتك يا ابن باز عنا صعيبه
اعزي آل سعود لهم طول الأعمار *** وشعب السعودية شباب وشيبة
واعزي عيال بكوا داخل الدار *** ولا ألوم من يبكي بفرقا حبيبة
عزاي لأهل العلم واللي لهم كار *** وعزاي فالله عالم سر غيبة
من موتتك يا شيخ تهتز الأمصار *** وقلوبهم تهتز لهول المصيبة
جزاك بالجنة وتجري بالأنهار *** في ظلها يوم الحشر يهتني به
عساك في الفردوس بجوار الأبرار *** الأولياء ما فيه خوف وريبة
يا رب واجعل له وقاية من النار *** شيخ على دين النبي يقتدي به
الشمس غابت واختفت شوف الأنظار *** والنجم مثله ما ظهر من مغيبه
أكله حلال ويطعم الضيف والجار *** هذا يبي يسأل والآخر يجيبه
أحد يبي عونه والآخر يبي دار *** ويعطي اليتيم اللي أموره صعيبه
بيت الفقيه مشرع ليل ونهار *** وكل نصى بيته ويأخذ نصيبه
العلم يبقى حروف من فوق الأسطار *** والجسم يفنى ورحمة الله قريبة
عسى الخلف بعد الفقيدة فالأخيار *** أعيال رباهم بعلمه وطيبة
من صلب شيخ الله يفكه من النار *** عبد العزيز له الفضائل وهيبة
تمت وصلى الله عدد كل الأمطار *** على نبي أمته تهتدي به